VP Sara Duterte take charge! PBBM LUMIPAD ULI SA AUSTRALIA

LUMIPAD uli sa Melbourne, Australia si Pangulong Ferdinand Marcos, Jr. para dumalo sa ASEAN-Australia Summit mula March 4 hanggang March 6 ng taon.

Sinabi ng Chief Executive, kasabay din ito sa paggunita ng 50 years ASEAN-Australia relations at ayon narin sa imbitasyon ni Australian Prime Minister Anthony Albanese.

Alas-8:21 ng umaga nitong Linggo nang lumipad ang PR-001 lulan ang Punong Ehekutibo, First Lady Liza Marcos, at ang buong delegasyon ng Pilipinas.

Nakatakda dumating ang Pangulo sa Australia 4:26 ng hapon (Philippine time) o 7:26 ng gabi (Australia time).

Kasama sa biyahe ang ilang gabinete gaya nina DTI Secretary Alfredo Pascual, National Security Adviser Sec. Eduardo Año at iba pa.

Itinalaga naman ng Presidente si Vice President Sara Duterte bilang ‘officer-in-charge’.

Isusulong ng Pangulo sa Summit ang paninindigan ng Pilipinas sa regional and international issues para sa seguridad.