MMDA enforcer sinuspinde sa kotong

Sinuspinde ng Metro Manila Development Authority (MMDA) ang kanilang traffic enforcer nang hingan ng P15,000 thousand ang hinuling motorista noong Biyernes sa Quezon City.

Batay sa FB post ng motorista, pinara siya ng traffic enforcer bago makarating ng Commonwealth Luzon at iginigiit na lumabag siya sa Anti-Distracted Driving Act.

Nang ikatwiran ng motorista na nakapatay naman ang kaniyang cellphone sunod na sinabihan siya ng traffic enforcer na hindi siya naka-seatbelt gayung naka-seatbelt naman umano siya.

Gayunman, hiningi pa rin traffic enforcer ang kanyang official receipt (OR) at certificate of registration (CR) at sinabing hindi rehistrado ang kanian sasakyan hanggang hingan siya ng P15,000 bilang multa

Nagkaroon pa umano ng tawaran hanggang pumayag ang traffic enforcer sa halagang P2,400.

Agad namang sinuspinde ni MMDA Assistant General Manager Angelo Vargas, ang traffic enforcer habang iniimbestigahan ang alegasyon.