Alice Guo kinasuhan ng ‘qualified human traffiking’

INIHAIN na ng Department of Justice (DoJ) ang kasong ‘qualified human trafficking’ laban kay dismissed Bamban, Tarlac Mayor Alice Guo at iba pa.

Ang naturang kaso, ayon sa DoJ, ay inihain sa Pasig RTC Martes ng hapon.
Maliban kay Guo, kasamang kinasuhan sina Huang Zhiyang, ang tinukoy ng Presidential Anti-Organized Crime Commission (PAOCC) bilang “boss of all bosses” ng illegal POGOs; Zhang Ruijin, at Lin Baoying, at iba pa.

Matatandaan na inihain ang naturang reklamo ng PAOCC at PNP-CIDG noong Hunyo at isinumite para sa resolution Agosto 6. (J. Domenden)