WILLIE BUMILI NG HOTEL SA BGC NA NAGKAKAHALAGA NG P1-B; ANNE, BEA AT HEART NAMANGHA SA YOUTHFUL LOOK NI LA GRETA

Ni Beth Gelena

MAY binahaging larawan ang dalawang hairstylist at make-up artist ng mga celebrities na sina Mark Qua at Aris Manal sa kanilang Instagram ng larawan ng 54-year-old actress na si Gretchen Barretto.

Napa-wow ang mga netizens sa kanyang youthful looks.

“So nice to see you again La Greta,” ani Manal sa caption.

Aside from the beautiful snaps, the two stylists shared reels of Barretto who seemed to be preparing for a photo shoot.

Maging sina Heart Evangelista, Bea Alonzo at Anne Curtis ay hindi mapigilang ma-amaze sa larawan ng beteranang aktres.

Matagal na ring hindi aktibo si La Greta sa social media platforms para raw maka-focus sa kanyang personal life.

“There’s more peace because I don’t have to keep on checking on Instagram what’s this person doing, and what’s going on. I am more productive, I can do things that are more important to me rather than what’s important to show,” pakli niya.

Dagdag pa niya, “I am relevant. With social media or not. It’s not something that you can just erase because you don’t have social media. In fact, I believe I am more relevant because people don’t know where I am and what I am doing.”

“I am in a different world now, I can let go. You have to let go of what does not serve you anymore,” esplika pa niya.

***

MARCO PINASOK ANG BALWARTE NG BOYFRIEND NI YASSI

SASABAK na rin sa pulitika ang actor na si Marco Gumabao.

Sa kanyang Instagram Page ay may mensahe ang actor ukol sa kanyang pagtakbo sa pulitika.

Kasama ang actress-girlfriend na si Cristine Reyes ay nag-file na ng candidacy ang actor bilang representative ng 4th District ng Camarines Sur.

Aniya, “Today marks a new journey. Para sakin, simula ‘to ng isang malaking yugto sa aking buhay. Panibagong simula na sigurado ako makakagawa ng malaking epekto hindi lang para sa sarili ko, kundi sa buong 4th district ng CamSur. Buo ang loob ko na lumaban para sa pagbabagong matagal nang inaasam, pagbabagong matagal na dapat pinaramdam sa Partido.”

“As a Christian, I believe that we are called in this world to be of service to others and not to be served. Mark 10:45. Ako po si Marco Imperial Gumabao, at sisiguraduhin ko na ang serbisyo ang laging mangingibabaw,” wika pa nito.

Ang CamSur ay balwarte ng boyfriend ni Yassi Pressman na si Gov. Luigi Villafuerte.

***

MAY bago umanong binili na property si Willie Revillame.

Ang nasabing property ay located sa Bonifacio Global City worth P1B.

Isa si Kuya Wil sa mga celebrities na richest in the Philippines with other billionaire personalities such as businessman Manny Villar, Megastar Sharon Cuneta, and legendary boxer Manny Pacquiao.

Lahat ng kung ano meron ang TV host ay pinaghihirapan niya.

Tulad ng luxury cars such as Bentley, Ferrari at dalawang Rolls Royce cars, mansion sa isang exclusive subdivision sa Quezon City, mga paintings na nagkakahalaga ng milyun-milyon, yacht, private jet, at private helicopter, atbp.

May private resort at mansion din si Kuya Wil Puerto Galera.

Karagdagan sa kanyang properties ngayon ang high-end residential hotel sa Bonifacio Global City.