Mora, Bouffaut nangibabaw sa IRONKIDS Subic

NAGPASIKLAB si David Mora upang makamit ang tagumpay sa boys’ 13-15 category ng RLC Residences IRONKIDS sa Subic, Zambales Sabado.

Tinapos ni Mora ang 250m swim, 6km. bike, at 2km. run sa kumpetisyon ng 22 minuto at 32 segundo.

Johan Marcelo ang tinanghal na segundo 23:32, sinundan ni Ralf Prima (23:49).

Sa girls’ division, Alaina Bouffaut nagrehistro ng 26:51 para masungkit ang titulo laban kay Kaia Gica (27:45) habang si Dominique Aragones ang third sa 29:01.

Samantala, Phil Alexander Cayetano, Chris Lacuna, at Kai Takei ang top three finishers sa boys’ 11-12 category ng event na inorganisa ng Sunrise Events, Inc.

Elise Salas sinako ang girls’ title habang si Julia Selene Calustre at Alandria Venice Delantar ang second at third, ayon sa pagkakasunod.

Sa 9-10 age group tampok ang 150m swim, 4km bike, at 1.5km run, Jon David Julian at Oliver Kurt Alingarog ang idineklarang co-champions sa boys’ division matapos magsumite ng parehong total times na 19:33. Hans Golocan ang second in 20:52.

Athena Masadao dinomina ang girls’ division na may time 21:56. Pia Gito (23:05) ang second kasunod si Liah Bouffaut (24:15).