SALA AT ALAN BASEHAN ANG PAHAYAG

Nagmula sa SONA ang usaping bumabalot sa bansa higit ang tungkol sa pandarambong ng maraming opisyal ng pamahalaan mula sa simpleng mga kawani, mga kinatawang bayan, tagapagsalita ng mababang kapulungan at pangulo ng senado at ngayo’y umabot na sa tanggapan ni Jun Singhot. Ang usapin, ang pandarambong sa salaping bayan.

Agad – agad na kumilos ang bayan at ipinahayag na panagutin ang mga mandarambong sa pamahalaan na ‘di nasiyahan sa milyon milyong binulsa na pinalaki sa bilyon bilyong kinurakot. Umunlad ang kasakiman sa kabang bayan habang patuloy na naghihirap ang bayan na maging ang isusubo’y inaagaw ng mga kawatan. Ang nakakalungkot, ipinalabas na ang mga mandurugas ang mga biktima na napangalan sa ma-anomalyang multong proyekto. Subalit tunay na may balik ang gawang masama, ipinamukha ng sanlumikha ang baha na ganap na larawan ng salang gawa. Ang mga ‘di nakita at ‘di natapos na mga proyekto na larawan ng kamalian ng bayan sa pagkakahalal ng mga mandurugas na kinatawang bayan. Sadyang may paraan ang sanlumikha na ipabatid ang salang gawa ng mga opisyal ng bayan, mga nahalal, natalaga maging ang mga kasabwat sa labas ng pamahalaan. Likas na galawan ang kaganapan na ‘di masasagka ang naglabas ng kabuktutan na dapat ng kilusan ng pamahalaan.

Sa kabilang dako, hindi sumuko ang mga buktot at kumilos gamit ang pagtitipon ng mga bulag na taga-sunod na naniniwala sa salang pahayag gamit ang banal na salita. Naulinigan ang pagsagka na ang sanlumikha kuno ang kikilos upang panagutin ang mga nagpahayag sa salang gawa ng pastor na anak. Ang masakit isinalang ang paglilinis sa anak sa banal na gawain na sukol sa salang gawa. At tila dininig ang panalangin at nagkakaroon ng pagpapalit muli ng liderato sa mga kapulungan. Ang pagbibitiw sa nag-uusisa sa mga usapin ng mga buktot ang tanging ibig at tila kayang hilutin ang magiging puno ng bugok na kapulungan. Ang maitalaga o halal ang bugok na kapara ang inaasahan ng matuldukan ang usapin ng mga tiwali sa bayan, tama ba Alan?

Sa palitan ng mga pahayag sa bugok na kapulungan, ‘di mapagkakaila ang retorika ni Cawatano ang isa sa matalas na nanunuot sa kaibuturan ng loob. Ngunit at sa totoo lang, silip ang salang asal sa paggiit ang sarili sa mga taong napipisil na may pakinabang sa kinabukasan. Ang retorikang paglalahad ng kaisipan ang larawan ng kabulukan na ipinasok sa kaldero ng paligsahan na pinagkitaan sa nakaraan. Ang bilyon bilyong pondong inubos sa pagdaraos sa isang palarong pampalakasan ang gintong inani ngunit ‘di ng mga manlalaro ngunit ng punong abala. Ang ‘di nadamang panahon ng palakasan na dumaan na parang bagyo may malakas na hangin ngunit walang dalang marka sa pambansang palakasan na nilahukan ng mga atletang ‘di na kilala.

Saglit na balikan ang nakaraan, ng kinatawan mula sa Taguig ng minsang naging kalihim ng Kagawaran ng Ugnayan Panlabas. Hindi mawala sa isip ang salang pahayag ng dating kalihim sa hinggil sa dami ng mga Pinoy na lulong sa bawal na gamot. Ang paglalahad ang larawan na nagpasindak sa maraming dayuhan na bawasan ang pagdalaw sa bansa at baka maging biktima ng mga lulong sa bawal na gamot sa bansa. Ang masakit tila ipinangangalandakan ni Cawatano ang matagumpay kunong programa laban sa droga ng mangmang ng kaTimugan na nagdala kay Totoy Oblo sa Da Hague.

At muli sa usapin ng katiwalian sa pamahalaan, bumalik ang retorika ni Cawatano sa pagtatanggol sa mga kakosang lumustay sa salaping bayan. Maririnig ang tinig na tila pastor sa pagsalita na may papikit pikit sa pagsagka sa katiwalian na gawa ng kasamang si forthwith. Ngunit ‘di malilimot ang pagbabaol ng usapin ni Inday Gala na tuwirang nagsara sa usapin ng impeachment sa katiwaliang gawa. At ang malinaw na tindig na ‘di para sa bayan ang kilos ng kinatawan mula sa Taguig dahil sa pagkampi sa bugok at tiwali sa halip na sa bayan. Ang salang gawa sa bayan ang ‘di ibig na masagutan dahil sa pabuya na ihahalal ng mga buktot na maglalapit sa liderato ng bugok na kapulungan. At sa totoo lang, wala sa radar ni Inday Gala si Cawatano at silip na ginagamit para sa sariling layon. Silip na ‘di kampante ang kasalukuyang kaTimugan sa kinatawan mula sa Taguig at ang magamit ang pagiging matabil ang galawan sa kasalukuyan.

Masaya si Cawatano dahil ang pagpagal sa paglalahad ng kasinungalinga’y tila aanihin sa pagpapalit ng liderato sa bugok na kapulungan. Ang mainit na pag-iimbestiga sa katiwalian ng mga multong proyekto na pumaso sa mga kapwa bugok na dahilan sa pagbibitiw sa nakakaraming dating kakampi. Malinaw na pansarili ang takbuhan na umaasa na makakamit ang ibig sa pagbitaw ng ilan sa kasalukuyang liderato ng mga bugok na kapulungan. Sa totoo pa rin, mahirap manatiling malinis kung pawang may batik ang kasama dahil ang pakikihalo’y maglalagay ng putik sa sarili higit kung walang dike na haharang sa rumaragasang putik ng nakakarami. Mainam ang bumitaw sa pusali sa halip na pamunuan at sa huli nasa sarili ang dumi.

At muli ang matabil na bugok mula sa Taguig na tila nag-uudyok sa bayan na lumabas at magpahayag ng kawalan suporta sa mga halal ng bayan dahil sa salang gawa. At ipinapanukala na magkaroon ng dagling halalan o “snap election”. Isang salang galaw na walang basehan dahil sa katiwalian ng kinatawang bayan maging ang liderato ng bansa’y idinadamay. Malinaw na ibig ilayo ang usapin ng mga katiwalian at bigyan kuno ng bagong mandato ang mga kawatan ng bayan. Dahil ang panahon ng halalan at maaring maglayo sa kasalukuyang kamulatan ng bayan sa katiwalian o korapsyon. Sa kabila nito, pagbabago sa pamunuan ng bansa ang landas na inaasahan sa pagtakip sa mga salang gawa, Namu.

Sa totoo lang, ang mailayo ang usapin ng katiwalian ang layon ng panukala na magkaroon ng snap election na sala at Alan basehang pahayag. Ang mainit na usapin ng katiwalian ang gamit ng mga kawatan na isinasabit ang maraming halal ng bayan, ang posturang galawan sa paglihis sa usapin. Malinaw ang layon ng mga mandarambong, ang makawala sa usapin kinakaharap sa anumang paraan. Ang magkaroon ng halalan na fiesta sa mga pinoy ang isa sa huling baraha na isinasalang ng mga bugok ng maka-alagwa sa usapin ng katiwalian. Panghuli, tinuldukan ng AFP at PNP ang layon ng mga bugok sa pagpapalit ng liderato sa bansa sa pagsasaad na mandato ang susundin. At ang huling pako na magkukulong sa mga buktot na lumustay sa salaping bayan.

Maraming Salamat po!!!!