DILG hulang may ibang pasaporte si Zaldy Co

NANINIWALA ang Department of the Interior and Local Government (DILG) na gumagamit ng ibang pasaporte si dating Ako Bicol partylist Rep.e Zaldy Co.

Ayon kay DILG Secretary Jonvic Remulla nitong Lunes, posibleng gumagamit si Co ng pasaporte na may ibang pangalan habang wala sa Pilipinas.

“We believe he’s traveling with another passport. We do not know if he is using another name. Bine-verify pa namin e,” saad ni Remulla.

“The Blue notice is out… The Red Notice can be out and then we will further determine kung nasaan talaga siya,” dagdag pa niya.

Nang tanungin kung hindi talaga gumagamit si Co ng kanyang Philippine passport, sagot ni Remulla: “Ang hula lang namin, reportedly has another passport that he is using.”

Tinukoy ng DILG si Co bilang akusadong ‘at large’ sa pagkakasangkot sa maanomal-yang flood control projects.