BOOTS ANSON-RODRIGO AT FPJ DAHILAN KAYA NAGING ARTISTA SI CHARO SANTOS-CONCIO

Ni Rommel Gonzales

Magkasama sa pelikulang Until She Remembers sina Boots Anson-Rodrigo at Charo Santos.

Tumatalakay ang pelikula sa pag-iibigang babae sa babae.

Lahad ni Ms. Boots, “It can be difficult but it’s such a comfort na ang kasama ko sa eksena ay si Charo na matagal ko nang kaibigan.”

At napag-alaman namin, isa si Ms. Boots sa dahilan kaya nagbukas ng pintuan ang showbiz para kay Ma’m Charo.

“In fact, magkuwe-kuwento lang ako, with your permission, Charo. Kami po ni FPJ, Fernando Poe Jr, kumbaga, ang nag-introduce kay Charo to the public life.

“And it was in 1974 when Ronnie and I judged a massive environmental green revolution movement in the government.

“Si Charo po ay isa po sa mga kandidata bilang ambassador of goodwill for the entire project. Ronnie and I were among the judges.

“So, nung tinawag na yung mga kandidata, pagkitang-pagkita ko kay Charo, wala pang sinasabi yan, lumakad lang sila, sinabi ko na kay Ronnie, ‘Ito na yun, ito na yun.’

“Nung nagsalita na at nagkaroon ng Q&A, naisip naming dalawa ni Ronnie, ‘I hope the other judges will think the same way like we did.’

“And they did.

“So, that was the beginning of Charo’s public life.”

“Sumunod na ang Baron Travel Girl.

“Sumunod na ang pelikula, yung Itim, first movie niya kung saan nagwagi siya bilang Asia’s Best Actress through the help of direk Mike de Leon.

“And as the saying goes, the rest is history.”

Samantala ay palabas na ngayong February 25 ang Until She Remembers sa panulat at direksyon ni Brillante Mendoza at mula sa executive producer na si Wilson Tieng.

Ang Until She Remembers ay mula sa Center Stage Productions at Solar Studios, Inc. kung saan tampok rin sina Barbie Forteza, Eric Quizon, Albert Martinez, Angel Aquino, Vince Rillon, Erlinda Villalobos, Carlitos Siguion-Reyna, Perla Bautista, Angel Latorre, Bianca Kierulf, at iba pa.