Obiena nagbulsa ng ginto sa Berlin

NAMAYAGPAG ang Filipino pole vault ace na si Ernest John ‘EJ’ Obiena sa Istaf Indoor meet sa Uber Arena sa Berlin, Germany Sabado sa Maynila.

Napagtagumpayan ni Obiena ang season-best na 5.78m, tinalo si Simen Guttormsen ng Norway sa pamamagitan ng countback para sa gintong medalya sa 8-men kompetisyon.

Si Menno Vloon ng Netherlands ay nagtapos sa ikatlong pwesto at nakuha ang bronse na medalya na may 5.70m na taas.

Sinubukan ni Obiena na lampasan ang taas na 5.83m ngunit nabigo sa lahat ng tatlong pagtatangka.

“Brick by brick, we build,” Sulat ni Obiena sa Facebook post na ay kasamang video ng kanyang 5.78m clearance.

“Season’s best of 5.78m and a gold here in Istaf Indoor. Thanks for having me Berlin.”

Ito ang ikatlong gintong medalya ni Obiena at ikalimang pagtatapos sa podium sa season.

Sinimulan ng dalawang beses na Olimpiyano ang kanyang season sa pamamagitan ng pagtatapos sa ika-tatlong puwesto sa Istaf Indoor Dusseldorf noong Enero 24.

Si Obiena ay nanalo ng gintong medalya sa International Springer-Meeting sa Cottbus, na ibinahagi ang karangalan kay Menno Vloon noong Enero 29.

Ang 30-taong-gulang ay sumunod sa isa pang gintong medalya sa Asian Indoor Athletics Championships sa Tianjin noong Pebrero 7.

Nagbulsa si Obiena ng bronze sa Indoor Meeting Karlsruhe noong Peb. 8 bago ang kanyang ginto sa Istaf Indoor Berlin.