BOSES NG PAMAHALAAN AT MAMAMAYAN, MAS PINALALAKAS SA PAMAMAGITAN NG ‘TARGET ON AIR’ NI KA REX CAYANONG

SA mga darating na araw, inaasahang mas magiging aktibo ang ugnayan ng lokal na pamahalaan at mamamayan sa pamamagitan ng radyo, kasabay ng pagsisimula ng ilang bagong segment sa programang “Target On Air” ni Ka Rex Cayanong sa DZME 1530 kHz, na mapapakinggan tuwing Lunes hanggang Biyernes, 3:00 hanggang 4:00 ng hapon.

Sa panahong patuloy ang pangangailangan ng mas malinaw na impormasyon sa publiko, mahalaga ang mga ganitong uri ng plataporma kung saan ang mga kinauukulan ay magkakaroon ng pagkakataong direktang maipaliwanag ang kanilang mga programa at direksyon ng pamamahala.

Inaasahang kabilang sa magiging bahagi ng programa ang “Oras ng Barangay,” kung saan mabibigyan ng pagkakataon ang mga opisyal ng barangay na talakayin ang kanilang mga serbisyo, proyekto, at mga konkretong hakbang para sa kanilang nasasakupan.

Aba’y sa ganitong paraan, mas mapapalapit sa mamamayan ang mga usaping madalas ay nananatili lamang sa antas ng opisyal na dokumento o anunsyo.

Kasabay nito, ang “Mayor’s Hour” ay inaasahang magsisilbing mas malawak na talakayan para sa mga alkalde ng lungsod at bayan, kung saan maipapaliwanag nila ang kabuuang direksyon ng kanilang administrasyon, mga prayoridad na proyekto, at kasalukuyang kalagayan ng kanilang mga programa.

Bagama’t ang radyo ay matagal nang itinuturing na tradisyunal na medium, nananatili itong isa sa pinakamabisang paraan upang maabot ang malawak na bilang ng mamamayan, lalo na yaong walang agarang access sa digital platform.

Ang ganitong uri ng diskurso sa himpapawid ay inaasahang makatutulong sa mas bukas na pamamahala, kung saan ang impormasyon ay nagiging mas madaling maunawaan at mas direktang naipapahayag mula sa mga opisyal tungo sa publiko.

Kaya naman, inaasahang magiging isa sa mga dagdag na boses sa radyo ang “Target On Air” na tutulong sa pagpapalalim ng pag-unawa ng mamamayan sa takbo ng lokal na pamahalaan—sa paraang mas simple, mas direkta, at mas malapit sa pang-araw-araw na buhay ng mga tao.

***

Catch Gilbert Perdez on “IZ Balita Nationwide” over DWIZ 882 AM and ALIW Channel 23 every Saturday from 6:00 AM to 7:00 AM. Tune in via ALIW Channel 23, DWIZ AM Radio, the DWIZ 882 Facebook page, or DWIZ On-Demand on YouTube. You can contact him via email at gil.playwright@gmail.com or at 0991-354-3676.