ANG TUBIG AY BUHAY

Labis ang init na nararanasan sa bansa higit sa kaMaynilaan at ‘di malaman kung saan tutungo ng maibsan ang labis na pagkabanas. Ang masakit, naglabas ng kautusan ang sigang kalihim ng DILG na bawal ang nakahubad sa labas ng bahay higit ang mga kalalakihan at kung sakaling madaanan o masilip na nakahubad ng pantaas na damit, tiket at bayad ang matatanggap. Sala ang kautusan sa sobarang init ng panahon na nararanasan at itinapat ng kalihim ang kautusan na magtitiyak na magiging matagumpay. O’ sadyang nangangalap ng kagalit ang kalihim ng may makababag upang labis na pagpawisan. Sa totoo lang, kahit ang naghahanap buhay na lumabag kuno sa kautusan na naka hubad at naghahalo ng semento sa isang ginagawang gusali’y natiketan dahil sa kautusang banggit. Siyempre nariyan ang presscon at nagpaumanhin ang kakasa sa hamon ni Baste sa obrero at itutuwid ang kaayusan ng kautusan.

Sa Kapihan sa QC, nasisilip ng mga panauhin mula sa Manila Water (MW) ang pagkakaroon ng “super el-nino” o labis na tag-init na mararanasan sa bansa. Makakaapekto ngunit ‘di magiging problema sa dumadaloy na tubig sa mga gripo ng mga kabahayan sa bansa. Sa pagtatala ng mga panauhin sa banggit na Kapihan, naghahanda at patuloy na naghahanda ang banggit serbisyo upang matiyak na ‘di magkakaroon ng usapin sa tubig ang mga kabahayan higit ang mga sakop na lugar na sineserbisyuhan. Walang pagdadalawang isip na binanggit na ‘di mararanasan sa kaMaynilaan higit sa nasasakupan ang pagkawala ng tubig. Sa kabilang banda, hinihikayat ang mga Pinoy na patuloy na gamitin ang panustos na tubig ng may kagalingan ng ‘di masayang ang bawat patak ng tubig ng buhay. Ang tamang paggamit sa antas ng mga tahanan ang inaasahan higit sa kasalukuyang panahon na napaka-init.

Sa banggit na paghahanda sa labis na tag-init, nariyan ang mga proyekto ng MW na aalis sa pangamba ng taga kaMaynilaan at siniguro na ‘di magaganap ang pagkawala ng tubig sa ating mga gripo. Sa paghahanda, nariyan ang mga bagong pagkukunan ng tubig mula sa Upper Wawa at maging sa Lawa ng Laguna na milyon-milyon litro kada araw ang inilalabas. Bilang karagdagan, naghahanda ang Manila Water ng ilang maaring gawing imbakan ng tubig na magagamit, sa Taguig at Lunsod Quezon na may malawak na lugar . Ang mga paghahandang banggit ang magtitiyak na ‘di mawawalan ng panustos na tubig sa kalakalang Maynila. Muli, inaalerto at pinakikiusapan si Mang Juan at ang bayan na gamitin ng tama ang tubig ng masagad ang pantustos na tubig.

Sa kabilang dako ng serbisyo ng MW, nabatid na ‘di ganap na pagpapadaloy ng malinis na tubig sa kabahayan ang serbisyong alay sa tao. Nariyan ang sewerage system o ang alkantarilya na nagsisiguro na ‘di magaganap ang paghahalo ng dalawang sistema. Nabatid na nagpapalawak ng pasilidad sa banggit na serbisyo ang MW ng magtitiyak na ‘di magkaroon ng kontaminasyon ang tubig na dumadaloy sa gripo sa mga kabahayan. Sa pagpapalawak ng serbisyo sa alkantarilya, ganap na malinis ang mga dumadaloy na tubig sa mga tubo ng MW na maaring inumin. Sa pagtitiyak, ang usapin sa malinis na tubig ay nagaganap sa mga tubong inilatag ng MW bago marating ang metro ng tubig tungo sa gripo ng kabahayan. Sa pagkakataon na lumagpas sa metro ng tubig ang daloy papasok sa kabahayan, ito’y ‘di sakop ng serbisyo ng MW. Uulitin, nasisiguro na malinis na tubig na maiinom bago lumagpas ang daloy sa metro ng bawat kabahayan. Ang pagpasok ng tubig sa gripo ng mga kabahayan ay ‘di na sakop ng serbisyo MW. At ang bagay na dapat pag-isipan ng mga nakakabit sa tubo at metro ng MW.

Sa nabatid, masasabing ‘di kumplikado ang usapin sa tubig ngunit sadyang mahalaga tulad ng pangangailangan ng mga nilalang na naninirahan sa karagatan, lawa o ilog. Ang mapanatiling malinis at ligtas sa paggamit ng tubig ang dapat tiyakin ng bawat nilalang dahil ang tubig ay buhay. Ang tamang paggamit ng tubig higit ng tao’y pagtitiyak na ‘di mawawalan ng pantustos sa ano mang panahon. At sa paglalakbay sa nakaraang araw, ramdam ang labis na init na maging ang bilog na bilog na buwan na nasilip sa madaling araw ay ganap na pula. Ang pagkapulay’ tila babala ng malawakan at matagalang tag-init na magbubunga ng tagtuyot.

Sa isang bahagi ng paghahanda sa tag-tuyo’t ng MW, muli at binibigyan diin ng tamang paggamit sa tubig na dumadaloy sa gripo sa ating kabahayan. Ang ‘di mapag-aksaya paggamit ang inaasahan sa bawat tahanan na daan sa pagtitipid sa bayarin. Ang ipabatid ang mga sirang tubo sa labas ng kabahayan, ang mga may tagas, ipaalam sa kinauukulan. Isara ng mabuti ang mga katubigan sa kabahayan sa oras na ‘di ginagamit. At gamitin ang tubig na nagamit sa ibang pagkakataon bilang pandilig, panlinis ng matiyak na ‘di maaksaya at bawas gastos sa buwanang bayarin. Tapos na ang panahon ni Asyong Aksaya.

Tinitiyak na malinis at sapat na pantustos ng tubig ang serbisyo ng MW. Sinisiguro na sapat ang paghahandang inilatag ng banggit na serbisyo. Sa kabilang banda, inaasahan na ang tao, ang bawat tahanan sa bansa’y makikibahagi sa paghahanda higit sa paggamit ng tama sa tubig na dumadaan sa bawat gripo sa mga tahanan. Isa-isip na ang tubig ay buhay at ang bawat patak nito’y mahalaga higit sa panahon na labis ang tag-init. Ingatan ang katubigan ng may magamit sa kinabukasan.

Maraming salamat po!!!!