MINING TYCOON NA MAY KWESTYON SA PHILIPPINE CITIZENSHIP DOCS, IBABALIK NA SA BI DETENTION FACILITY

Nakatakda nang ibalik sa detention facility ng Bureau of Immigration (BI) ang mining tycoon na si Joseph Sy, na nauna nang inaresto dahil sa pag-aari ng diumano ay ‘fraudulent Philippine documents’, matapos ideklara ng kanyang attending physicians na ito ay ‘medically fit for discharge from hospital confinement. ‘

Ayon kay BI spokesperson Dana Sandoval, si Sy ay nasa BI custody kaugnay ng deportation proceedings na bunga ng imbestigasyon ukol sa pagkakaroon nito ng kwestiyonableng Philippine citizenship documents.

Ang kaso niya ay sumasailalim pa din sa judicial proceedings matapos ang Court of Appeals decision.

Si Sy ay dinakip sa Ninoy Aquino International Airport noong August 21, 2025 paglapag galing ng Hong Kong dahil sa diumano ay pekeng Philippine documents.

Kinumpirma din umano ng BI Alien Registration Division na ang fingerprints ni Sy ay nag-match sa isang Chen Zhong Zhen, isang Chinese citizen na dati nang may hawak na long-term visa at Alien Certificate Registration card. (JERRY S. TAN/JOJO SADIWA)