KOREAN CYBER GAMLING FUGITIVE NA MAY PEKENG IDENTITY, ARESTADO NG BI-FSU SA NAIA

DINAKIP ng Bureau of Immigration-fugitive search unit (BI-FSU) ang isang 52-anyos na Korean national na ‘wanted’ ng Interpol dahil sa diumano ay pago-operate ng illegal online gambling syndicate.

Sa kanyang ulat, sinabi ni BI-FSU chief Rendel Ryan Sy na si Cho Yungeon, alyas Cho Min, ay dinakip noong Martes, July 15, sa departure area ng NAIA Terminal 1 sa Pasay City ng FSU sa pakikipag-ugnayan sa South Korean authoritiess, Philippine National Police-Interpol Group (PNP-IG) at Presidential Anti-Organized Crime Commission (PAOCC).

Ani Sy, ang pag-aresto kay Cho ay nag-ugat sa intelligence information mula sa Korean authorities, na hiningi ang tulong ng BI.

Si Cho ay may arrest warrant umano na inisyu ng Busan District Court dahil sa pago–operate ng illegal online gambling website sa Makati City mula pa January 2024.

“His syndicate allegedly accepted bets on domestic and international sporting events, processed online deposits, paid out winnings based on betting odds, and also offered casino games such as baccarat. Interpol later issued a Red Notice against him.” ayon kay Sy.

Batay sa BI records, si Cho ay pumasok umano ng Pilipinas noong 2019 gamit ang Cambodian passport sa pangalang Cho Min, habang ang biometric verification nito ay nagkumpirma kalaunan na siya din ang parehong tao na wanted wanted Korean national na si Cho Yungeon.

Si Cho ay nasa BI Warden Facility na, kung saan siya mananatili habang nakabinbin ang kanyang deportation proceedings. (JERRY S. TAN)