PH lifters patuloy ang pamamayagpag sa Asian Championship

NAG-AMBAG si Rosalinda Faustino ng dalawang bronze medal para sa Team Philippines sa Asian Youth & Junior Weightlifting Championships sa Tashkent, Uzbekistan Lunes, Agosto 10. Ang taga-Zamboanga City ay nagtapos sa podium sa women’s junior 57kg, na nagdagdag pa ng mga medalya sa war chest ng PH team.

Nahirapan siya sa snatch pagkatapos iangat ang 83 kg at nagtapos sa ika-apat na pwesto, pero nagawa niyang makuha ang bronse sa clean & jerk sa pag-angat ng 105 kg, at sa huli ay nagtapos din siya ng bronse sa kabuuan na may 188 kg. Nakuha ng Kazakhstan na si Snezhana Kashkarova ang gintong medalya sa kabuuang pag-angat na 200 kg, matapos makuha ang silver sa snatch (88 kg) at ginto sa clean & jerk (112 kg).

Si Marjona Abdumatalova ng Uzbekistan ay nakakuha ng silver na may kabuuang pag-angat na 188 kg matapos manguna sa snatch (90 kg) at makuha ang silver sa clean & jerk (109 kg).

Umangkat ng medalya ang PH team sa juniors division na tatlong ginto, tatlong pilak, at anim na bronse, bukod sa pagkolekta ng 10 ginto, tatlong pilak, at tatlong bronse sa youth class matapos ang apat na araw ng kompetisyon.