P43.76-M DRUG SHIPMENT, NAKUMPISKA NG BOC-NAIA SA CMEC

NAKUMPISKA ng mga personnel mula sa Bureau of Customs (BOC)-NAIA ang walong abandonadong inbound parcels na naglalaman ng iligal na droga sa Central Mail Exchange Center (CMEC) sa Domestic Road, Pasay City.

Ayon sa ulat ni BOC-NAIA District Collector Atty. Yasmin Mapa, lumilitaw sa shipment records na ang parcels ay mula sa mga senders na naka-base sa Mexico, Canada, India, the United Kingdom, Thailand, Malaysia at Belgium, na may nakalistang recipients sa Cavite, Tarlac at Laguna.

“An interdiction operation involving members of the NAIA Inter-Agency Drug Interdiction Task Group (NAIA-IADITG) led to the discovery of the suspected illegal drugs which were initially detected during cargo X-ray screening by BOC-NAIA personnel, followed by K-9 paneling by the Philippine Drug Enforcement Agency (PDEA) and subsequent manual inspection,” ani Mapa.

Aniya, ang mga na-recover na substances ay 5,222 grams ng suspected methamphetamine hydrochloride orshabu; 261 grams ng suspected cocaine; 482 tablets ng suspected ecstasy (MDMA); 1,047 grams ng suspected marijuana kush at 1,001 grams ng suspected ketamine.

Ang shabu, cocaine at ecstasy ay may pinagsamang standard drug price na P37,712,300 habang ang marijuana kush at ketamine ay nasa P6,052,000, kung kaya’t ang kabuuang drug value ay umaabot sa P43,764,300.

“Members of the NAIA-IADITG will turn over the seized substances to the PDEA National Office in Quezon City for proper disposition ane PDEA will take cognizance of the case for further investigation and appropriate action,” ayon kay Mapa.

Ayon naman kay PBGEN. Dionisio B Bartolome Jr, Director ng PNP Aviation Security Group: “mananatili tayong mapagmatyag at determinado sa pagpigil sa pagpasok ng ilegal na droga na nagdudulot ng panganib sa ating mga komunidad.” (JERRY S. TAN)