Matibag: malapit nang matunton si Sen. Bato

NANINIWALA si National Bureau of Investigation (NBI) Director Melvin Matibag na malapit nang matunton si Senador Ronald “Bato” dela Rosa.
“We are looking at it positively at tingin po namin malapit na po,” anang NBI chief.
Nagtatago ang senador dahil sa warrant of arrest ng International Criminal Court (ICC) laban sa kanya.
Sangkot si Dela Rosa sa iniimbestigahan ng international court sa kasong crimes against humanity ni dating Pangulong Rodrigo Duterte.
Sinabi ni Matibag na makatutulong ang P50 milyong inaalok na pabuya, na unang inanunsyo ni Department of the Interior and Local Government (DILG) Secretary Jonvic Remulla, para sa ikahuhuli kay Dela Rosa.
“And with the announcement of the reward or bounty by Secretary Jonvic, palagay ko po, mas maraming impormasyon ang lalabas dito ngayon na makatutulong po para siya ay makuha po natin,” ani Matibag.