300 chess players lalahok sa MisOcc Nat’l Open

HUMIGIT-KUMULANG sa 300 chess players mula sa boung bansa ang inaasahan na lalahok sa “Asenso Misamis occidental National Open” na nakatakda sa Hulyo 8-9 sa Ozamis City Auditorium.

May total na PHP 200,000 cash prize ang nakataya sa paligsahan, na bahagi ng 75th Charter Day celebration ng Lungsod.

“It’s going to be a grandiose chess competition with the number of players expected to join,” Wika ni Online Arena Grandmaster Rey Urbiztondo, ang event’s organizer.

Imbitado si first Grandmaster at World Chess Hall of Famer Eugene Torre upang magsagawa ng simultaneous game laban sa pineli na homegrown na batang players sa dalawang araw na paligsahan.

Inimbitahan rin ni Urbistondo, na board member ng National Chess Federation of the Philippines (NCFP) ang players mula sa Misamis Oriental na naghari sa Charter Day Inter-Agency event sa Cagayan de Oro.

“Yes, we’ll be going there (Ozamiz City) not only to compete but to forge unity and camaraderie with our chess fellows in Misamis Occidental,” Sambit ni Benoni Wabe, founder ng Golden Chess Friends (GCF).

US-based International Master Angelo Young, Arena Grandmaster Lyndon Lumancas (CDO) at top non-master Johnnel Balquin (Misamis Oriental) ay nagpahiwatig ng kanilang intensyon na sumali sa event at nagalok ng PHP30,000 sa champion.