6,000 CONFISCATED CONTRABANDS, GINAWANG ‘ARTWORKS DISPLAY’ SA NEW BILIBID PRISON

NAGING makasaysayan ang mga nakumpiskang kontrabando at isa ito sa napakaraming magagandang art works na naka-display ngayon sa exhibit sa loob ng NBP Administration Building, NBP Compound sa Muntinlupa City.

Pinangunahan ni Bureau of Corrections Director General Gregorio Pio P. Catapang Jr. at iba pang opisyal ng Bucor ang pagbubukas ng venue sa publiko na noong 2022, sa kanyang pagluklok sa pwesto ay nakumpiska nila ang mahigit anim na libong kontrabando mula sa mga PDL sa iba’t ibang greyhound operations.

Kabilang sa mga nakumpsika dito ang mga bladed na sandata, kutsilyo, mga homemade sharpen objects kung saan ay dinala nila sa Pete Jimenez studio, isang visual artist na dalubhasa sa larangan ng sculpture.

Ang nasabing mga piraso ng metal na sumasagisag sa karahasan ay ginawang isang bagay na maganda at napakahalaga ngayon na naghahatid ng mensaheng “bukid hindi armas.”

Sinabi ni Catapang na ito ay magsisilbing paalala sa mga PDL at publiko sa mga pagbabagong nangyayari ngayon hindi lamang sa NBP kundi maging sa iba pang mga kolonya na nasa ilalim ng nasabing kawanihan.

Ipinaliwanag ni Jimenez na ang ginawa niya sa mga nakumpiskang improvised bladed na armas ay tinatawag na “art installation” at isang sining. Magpapadala rin ito ng malakas na mensahe sa halip na gumawa ng armas bakit hindi magsaka bilang suporta sa programa ng food security ng pamahalaan.

Ang napakahusay na pag-install ng sining ay unang pagkakataon sa kasaysayan ng Philippine Art at ito ay makikita sa BuCor na ipinakita sa ika-118 Founding Anniversary ng bureau ,ani Jimenez.

Samantala, ang Rotary Club ng Quiapo Plaza Miranda katuwang ang BuCor ay magsasagawa ng social reform program na naglalayong magbigay ng mahalagang serbisyong rehabilitasyon at reporma sa mga kwalipikado at karapat-dapat na mga taong pinagkaitan ng kalayaan (PDLs) sa New Bilibid Prison.

Tinaguriang “Paglikha ng Pag-asa sa Bagong Bilibid Prison sa pamamagitan ng Project Laya at Hope Creating Gallery,” ang proyekto ay gumagamit ng isang diskarte upang matukoy ang mga kwalipikadong PDL na nagpakita ng tunay na pagnanais na mapabuti ang kanilang sarili at bigyan sila ng pagkakataong bumuo ng isang skillset na maaaring maging isang asset sa lipunan. (JOJO SADIWA)