2 most wanted, huli ng QCPD

Dalawang station most wanted persons (MWPs) ang inaresto ng mga operatiba ng Quezon City Police District (QCPD) nitong Lunes sa magkahiwalay na operasyon.

Sa ulat kay QCPD Director, PBrig. Gen. Redrico A Maranan ni Fairview Police Station (PS 5) sa ilalim ni PLt Col. Resty Damaso , nadakip ang station’s No. 5 MWP na si Gladys Castro, 37-anyos, at residente ng Brgy. Greater Fairview, Quezon City.

Dinakip si Castro 6:30 ng gabi, Marso 11, 2023, sa Pearl St., East Fairview, Quezon City. Siya ay dinakip sa bisa ng warrant of arrest sa paglabag sa R.A. 9165 (Comprehensive Dangerous Drugs Act of 2002) na inisyu ni Hon. Rosalia I. Hipolito-Bunagan, Acting Presiding Judge ng Branch 127, Regional Trial Court (RTC), National Capital Judicial Region, Caloocan City.

Samantala, 9:15 ng gabi, dinakip naman sa East Avenue Medical Center ng Kamuning Police Station (PS 10) na pinamumunuan ni PLt Col Robert Amoranto, si Christian Jay Ferrer, No. 7 MWP sa PS 10, at residente ng Brgy. Arkong Bato, Valenzuela City.

May pending warrants of arrest (2) counts si Ferrer sa paglabag sa Special Protection of Children Against buse, Exploitation, and Discrimination Act na inisyu ni Presiding Judge of Branch 78, RTC, Quezon City.(Almar Danguilan)