Advertisers
NAGTALAGA si Pangulong Ferdinand Marcos Jr. ng mga bagong opisyal ng Department of Agriculture (DA), Department of Finance (DOF), Department of Health (DOH), Department of Justice (DOJ), Department of Labor and Employment (DOLE), National Commission for Culture and the Arts (NCCA), at Philhealth.
Sa DA, iniluklok ni PBBM si Arlene Sagayo bilang Director III habang Director IV naman ng National Tax Research Center sa ilalim ng DOF si Mark Lester Aure.
Inilagay naman bilang acting board member ng expert panel ng Philhealth si Thea Arcely Gimenez.
Sa Office of the Government Corporate Counsel (OGCC) na nasa ilalim ng DOJ, itinalaga rin si Jonathan Nicolas bilang Assistant Government Corporate Counsel.
Hinirang naman bilang miyembro ng Board of Commissioners ng Employees’ Compensation Commission si Federico Marquez Jr. na kumakatawan sa employers’ sector.
Samantala, nagtalaga rin si Pangulong Marcos ng dalawang miyembro ng National Wages and Productivity Commission at apat na bagong opisyal ng National Historical Commission of the Philippines na attached agency ng NCCA. (Gilbert Perdez)