Eala tagumpay sa Nottingham Open qualifiers

NAIREHISTRO ni Filipina tennis ace Alex Eala ang kanyang unang panalo sa Nottingham Open women’s singles qualifiers sa United kingdom Sabado.

Dinispatsa ni Eala si Sarah Beth Grey ng host country sa two sets,6-3,6-4, para umabante sa second round ng qualifiers.

Paghihiganti sa laban para sa world number 157,matapos mabigo sa three sets kay Maria Timofeeva ng Russia sa Makarska Open 125 sa Croatia nakaraang Miyerkules.

Susunod na makakaharap ni Eala si Ena Shibahara ng Japan matapos patalsikin ang pambato ng Australia Maddison Inglis sa kanyang first round qualifier match, 7-6,6-2.