Ugnayang Duterte-Quiboloy

HABANG iniimbesgahan ng Kongreso ang EJKs, Droga, at POGOs, lalong uminit ang usapin sa ugnayan ng dating Pangulong Rody “Digong” Duterte at konrobersiyal na si Pastor Apollo Quiboloy.

Muling nasasangkot sa kontrobersya si Duterte nang masangkot muli sa isang malawakang iskandalo si Quiboloy, na nagpahayag sa sarili bilang “Son of God” at pinuno ng Kingdom of Jesus Christ (KOJC).

Sa isang kamakailang operasyon, nailigtas ng mga awtoridad ang dalawa katao na diumano’y bik2ma ng ‘human trafficking’ at ikinulong sa compound ng KOJC. Ang pagkakaligtas sa kanila ay magpaigting sa mga panawagan para sa mas malalim na imbesgasyon sa mga gawain ni Quiboloy at sa mga makapangyarihang alyadong posibleng nagpoprotekta sa kanya.

Hindi maikakaila ang mga akusasyon na kinakanlong diumano ni Duterte ang kontrobersyal na lider, na madalas niyang tawagin bilang isang malapit na kaibigan at espiritual na tagapayo. Ang relasyon na ito ay nagdulot ng seryosong mga tanong, lalo na’t ang administrasyon ni Duterte ay nasa ilalim ng matinding batikos dahil sa mga patakaran at aktibidad na nauwi sa malawakang karahasan at katiwalian .

Sa mga kasalukuyang pagdinig ng Quad Comm sa Kongreso, sinusuri ang pamumuno ng administrasyon ni Duterte, na tumutok sa extrajudicial killings na nagbigay ng madugong laban sa droga, ang mabilis na pagdami ng POGOs na nagdala ng mga akusasyon ng katiwalian at krimen, at iba pang kontrobersyal na mga polisiya.

Ang posibleng ugnayan ni Duterte kay Quiboloy ay sumasalamin sa isang mas malalim na pagsusuri dahil sa mga alegasyon na pagprotekta nito sa mga makapangyarihang kaalyado kapalit ng katarungan at pananagutan.

Ang mga problema ni Quiboloy ay umaabot na sa labas ng Pilipinas.

Noong 2021, inakusahan si Quiboloy ng U.S. Department of Justice ng sex trafficking, panloloko, pamimilit, smuggling, at pagnanasang seksuwal sa mga kabataan. Ito ay nagpapakita ng nakakabahalang gawain ng pang-aabuso, kungsaan diumano’y sinamantala ni Quiboloy ang kanyang relihiyosong awtoridad upang kontrolin at pagsamantalahan ang kanyang mga tagasunod.

Ngunit sa kabila ng mga seryosong akusasyong ito, tila mabagal ang kilos ng mga awtoridad sa Pilipinas, na nagbunga ng mga hinalang ginagamit ni Duterte ang kanyang impluwensya upang protektahan si Quiboloy mula sa pagtanggap ng hustisya.

Ang mga kasalukuyang pagdinig sa Kongreso ay lalo pang nagpapataas ng mga pangamba, habang sinusuri ng mga mambabatas ang mga sistimatikong isyu na nagbigay-daan sa mga ganitong tao na makapagpatuloy ng walang pananagutan.

Habang inilalantad ng mga pagdinig sa Kongreso ang madilim na bahagi ng administrasyon ni Duterte, kabilang ang extrajudicial killings at ang pag-usbong ng POGOs, ang mga ugnayan ni Duterte kay Quiboloy ay lalo pang sinusuri. Magwawagi kaya ang katotohanan sa huli, o muli bang magtatagumpay ang makapangyarihang koneksyon upang takasan ng mga may sala ang pananagutan?

Subaybayan!