Pero labs ka talaga Janine… Jericho di feel ang girl na 20 years ang agwat sa edad niya

Ni Rommel Placente

SA panayam ni Jericho Rosales sa vlog ni Karen Davila, sinabi niya na noong una, ay nag-alangan siyang ligawan si Janine Gutierrez sa pag-aakalang 24 pa lamang ito. Ayaw naman daw niyang magkadyowa na 20 years ang agwat ng edad sa kanya.

“I agree with you on that, the purity part. So pure, I thought she was 24! EJ, my make-up artist said that she’s 24. And I said, ‘What?! Okay, bye,’ Alam mo yun? Bye, I’m not dating a 24-year-old girl.

“I Google, Google, Google, Google and found out she’s 34. Sabi ko, ‘Oh, okay puwede pala. Puwede pa pala,’” sabi ni Jericho.

Kuwento pa ni Jericho, hindi lang sa ganda ni Janine siya na-attract kundi pati na sa ugali nito. Mas marami pa raw siyang na-discover sa dalaga mula nang gawin nila ang “Lavender Fields.”

“One day I had asked her, ‘Would you like to do a script reading with me?’ I’m sure she has her own version of the story. But why would I ask for a script reading? She’s the only person I haven’t worked with.

“She was going to be my work wife, my wife in the show. All of the decisions that my character was going to do in the show was because of the relationship that they have.

“This is not some easy working relationship. We needed to ano, so I said in my head: ‘Oh, coffee! Script reading and coffee!” aniya pa.

Patuloy pa niya, “I brought my iPad and then we saw each other at a cafe. I brought my iPad out and she started laughing. She was like, ”Holy God, you have an iPad.’ I said, ‘Yes, this is a work meeting.’

“To cut the long story short, six hours later we never got to open the iPad. I was like, it ended up with like, Japanese food at 3 p.m. and then she went to her lola Pilita Corrales and that’s it.

“And I was, ‘Wow, I can spend like, three hours talking to this girl…’ That’s when I felt something!” pag-amin ni Echo.

Sa tanong kung anu-ano pang qualities ni Janine ang nagustuhan ni Echo, “She talks calmly, a sweet person who’s like, almost never upset about anything.

“She handles herself really well, with such humility. She’s this type of person that, okay, a ‘no’ is a ‘no’ and a ‘yes’ is a ‘yes’ and she knows her decisions and she does it in a very smooth and soft, tender kind of way,”

***

ISA sa mga bida sa youth-oriented show ng na MAKA ang gwapong young actor na si John Clifford. Gumaganap siya rito bilang si JC Serrano, na isang make-up artist sa isang punenarya, na family business nila.

Ang show ay napapanood tuwing Sabado, 4:45pm sa GMA 7.

Sobrang happy si John Clifford na napabilang siya sa MAKA. Nu’ng nag-audition siya para sa kanyang role, ipinagdasal niya na makuha/mapili siya, na nangyari nga.

“Ito ‘yung isa sa mga shows na sabi ko, ‘Please, Lord.’ This is the show that I really want to have a shot, have a chance of doing,” sabi ni John Clifford nang maka-chikahan namin nang makita namin sila ng kanyang mommy Pie sa isang food chain.

Dagdag niya,”Until now hindi pa rin ako makapaniwala na I’m finally part of the new youth-oriented show ng GMA.

“I really feel happy kasi ‘yung goal ko is siguro to be of reach to the youth, to the people like sa mga ka-age ko na magkaroon ng voice. ‘Di ba kasi alam ko naman na hindi puro happy or good side ‘yung nararamdaman namin, marami rin kaming hardships na nararamdaman especially sa age namin.”

Ang MAKA ay may halong musical. At kaya gusto nga ni John na mapabilang dito, dahil kumakanta rin siya. Isa ang pagkanta sa mga talents ng bagets.

Kaya bukod sa pag-aartista, pangarap din niyang maging isang recording artist.

“Actually, ‘yan ‘yung first love ko talaga, ‘yung singing. Nung bata pa ako, yun talaga yung talagamg gusto kong i-pursue.

“Pero ngayong I started acting, parang gusto kong pagsabayin yung dalawa,”

Bukod kay John Clifford, ang limang bida pa sa MAKA ay ang kapwa Sparkle artists niya na sina Zephanie, Marco Masa, Ashley Sarmiento, Dylan Menor, at Olive May.

Kasama rin sa MAKA sina Romnick Sarmenta, Tina Paner, Sharmaine Arnaiz, Maricar De Mesa among others.

Aminado si John Clifford na na-star struck siya sa co-stars niya sa show, lalo na kay Romnick.

“Talaga pong na-star struck ako kay Sir Romnick. Dati po, noong bata pa lang ako, pinapanoood ko siya, ngayon katrabaho ko na siya,”.

Given a chance, gusto ni John Clifford na gumawa ng mga romantic-comedy film.

“Pero siguro in the future, gusto ko ring ma-try ‘yung mga horror, action, drama, mga ganoon,”

Pangarap ni John Clifford na makatrabaho ang mag-asawang Marian Rivera, na aminado siyang crush niya, at Dingdong Dantes, na paborito niyang aktor.

Para sa kaalaman ng lahat, nagsimula si John Clifford bilang isang commercial model bago siya napasok sa showbiz. Isa sa mga nagawa niyang commercial ay nakasama niya si Dingdong.