Carlos Yulo lalahok sa 3 kumpetisyon sa susunod na taon

BINAHAGI ni double Olympic gold medalist Carlos Yulo Huwebes na lalahok siya sa tatlong kumpetisyon sa susunod na taon.

“May gusto ako salihang competition pero tatlo lang po sasalihan ko: Asian Championships, World Championships, at SEA Games,” Wika ni Yulo sa exclusive tour ng ice cream company sa Malvar, Batangas.

Ang nasabing kumpanya ay pinagkalooban si Yulo ng P2-million check at isang taon na supply ng ice cream.

Bahagi rin ng tour ang kapwa Olympians Nesthy Petecio at Eumir Marcial kasama si Gymnastics Association of the Philippines (GAP) president Cynthia Carrion.

Petecio, na komulekta ng bronze medal sa boxing, ay ginawaran ng P300,000,habang si Marcial tumanggap ng special recognation para sa kanyang achievments.

Habang ang Olympic champion ay pinili na magpahinga matapos ang kanyang pamayagpag sa Paris, sinabi na ipagpatuloy ang kanyang training sa Nobyembre.

“Siguro mga late November mag-start na ako pakonti-konti. Pero mag-start na po talaga ako 2025 na po, January dun mag-start mga training camps,” anya.