DISCAYA, 3 DPWH ENGINEERS PROTECTED NA NG DOJ!
Advertisers
KINUMPIRMA ng Deparment of Justice (DOJ) na ang mag-asawang Sarah at Curlee Discaya at ilan pang dating opisyal ng Department of Public Works and Highways (DPWH) ay maituturing bilang ‘protected witnesses’.
Sa mga opisyal ng DPWH, tinukoy sina DPWH-Bulacan 1st District EngineerHenry Alcantara, Brice Hernandez at Jaypee Mendoza.
Sinabi ni Secretary of Justice “Boying” Remulla na susulat sila sa Senado upang ipagbigay-alam tungkol dito.
“We consider them already protected witnesses eh, yun nga. ‘Yung tatlong taga DPWH so far na nagsasalita sa amin at considered protected witnesses,” ani Remulla.
“Yes we consider them (Sarah at Curlee Discaya) already as protected witnesses and we will write the Senate President about it,” dagdag pa ng kalihim.
Pero paglilinaw ni Remulla, hindi ito nangangahulugan na ‘state witness’ sila kaugnay sa pagiging sangkot sa maanomalyang flood control projects na kasalukuyang iniimbestigahan ng kongreso. (Jocelyn Domenden)