EDAD 10-65 PUEDE NA LUMABAS NG BAHAY – IATF

KINUMPIRMA ng Malakanyang na pinayagan na ng Inter-Agency Task Force for the Management of the Emerging Infectious Diseases (IATF) na lumabas ng bahay ang mga batang may edad  na 10-anyos at ang mga senior citizens hanggang edad 65 sa mga lugar nasa ilalim ng Modified General Community Quarantine (MGCQ) mula Pebrero 1.

“Any person below 10 years old and those who are over 65 years of age shall be required to remain in their residence at all times,” ani Presidential Spokesperson Harry Roque.

Ipinag-utos ng IATF sa local government units (LGUs) na sumunod sa bagong kautusan.

“Local government units, on the other hand, are enjoined to adopt the same relaxation of age-restrictions for areas under General Community Quarantine,” ani pa Roque.

Matatandaang pinagbawalan ng pamahalaan ang mga bata at matatanda na makalabas ng kani-kanilang bahay dahil itinuturing silang pinaka-vulnerable sa COVID-19. (Vanz Fernandez/Josephine Patricio)