PH men’s lacrosse team dinurog ang China Asia-Pacific Championship opener

AGAD na ipinakita ng Philippine men’s lacrosse team ang kanilang galing matapos talunin ang China sa pamamagitan ng 20-1 na panalo sa unang round ng 2026 Asia-Pacific Men’s Lacrosse Championship sa Wellington, New Zealand Martes, Enero 6.

Dahil nakataya ang tiket para sa 2027 World Lacrosse Men’s Championship, agad na ipinakita ng mga Nationals ang kanilang galing sa opensa upang malampasan ang mga Chinese bets at iwan sila sa likod.

Sa kanilang panalo, nanguna ang Pilipinas sa Group B at haharapin ang Hong Kong, na nakaranas ng 20-5 pagkatalo laban sa Japan, Miyerkules, Enero 7. Ang China, sa kabilang banda, ay haharap sa Japan sa parehong araw.

Pinangunahan ang pag-atake para sa Nationals ni Nicholas Marsh na nakapuntos ng limang goal, habang sina Jayden Basalatan, Christian Tacogue, at Benjamin Bisquera ay nagdagdag ng tig-tatlong puntos.

“It went great, it’s my first time being on the team. It’s just awesome to go out and compete, and I’m really excited for the future of this team in our games,” Wika ni Marsh.

“I’m looking forward to the big games, playing Japan, the playoffs, and the medal games,” Dagdag nya.

Ang isa pang pagkapanalo ay maaaring magbigay sa mga Pilipino ng malaking lakas dahil ang mga nangungunang koponan sa Pool A at B ay magkakaroon ng direktang puwesto para sa susunod na taon na world championship sa Japan.