Bol Bol dumating na sa Manila

DUMATING sa Maynila Huwebes ng umaga ang dating manlalaro ng NBA na si Bol Bol upang sumali sa TNT bilang kanilang import para sa paparating na PBA Commissioner’s Cup.

Ang 26-taong-gulang ay dati nang naglaro sa NBA para sa Denver Nuggets, Orlando Magic, at Phoenix Suns.

Samantala, susubukan ng TNT na ipagtanggol ang korona na napanalunan nito noong 2025, kung saan si Rondae Hollis-Jefferson ang magsisilbing import nito. Gayunpaman, si RHJ ay nagka-injury noong laro ng Meralco sa EASL nitong nakaraang taon.

Inaasahan na babalik si Justin Brownlee bilang import ng Barangay Ginebra, habang naunang inihayag ng NLEX si Cady Lalanne bilang kanilang re-enforcement para sa conference. Papalakasin naman ng Meralco ang kanilang koponan sa pamamagitan ni Ismael Romero, na nakasuot na ng uniporme ng koponan sa EASL, habang pinili naman ng Phoenix si James Dickey.

Inanunsyo rin ng Rain or Shine si Jaylen Johnson bilang kanilang import, habang magdadala naman ang Magnolia kay Terrell Brown-Soares.

Lalaro si Daniel Ochefu para sa Blackwater, at si Mubasha Ali ay magdaragdag ng lakas sa Dyip. Ang iba pang mga koponan, kabilang ang espesyal na koponang Macau Black Bears, ay hindi pa opisyal na inia-anunsiyo ang kanilang mga import players.

Nakaiskedyul na magsimula ang Commissioner’s Cup sa Marso 11.