Obiena nagbulsa ng ginto sa Germany

KAMAKAILAN ay sunud-sunod na nananalo ang Filipino pole-vault ace na si EJ Obiena habang dahan-dahang sinusubukang maibalik ang dati niyang anyo.

Pero sa muling pag-alala, ang 30-anyos na taga-Tondo, Maynila ay talagang pinag-aaralan si Seifeldin Abdelsalam, isang 21-anyos na bagong star mula Qatar, at naghahanda para sa posibleng direktang labanan sa susunod na buwan sa Asian Games sa Nagoya, Japan.

Panalo si Obiena sa psywar laban kay Abdelsalam, isang Egyptian na dating Asian U18 at U20 champion, matapos makamit ang gintong medalya sa 5.76-meter na taas sa Halberstädter Höhenflug Internationales Stabhochsprung-Meeting sa Domplatz sa Germany nitong Biyernes.

Si Abdelsalam, na ngayon ay nasa No. 20 sa mundo o anim na pwesto lang ang layo sa No. 14 ni Obiena, ay nagbigay ng seryosong hamon pero nauwi rin sa silver medal sa taas na 5.66m.