AZ MARTINEZ AT RED CROWN SUPORTADO NI RALPH DE LEON AT NG TEAM AZ OFFICIAL AT SPARKLE GMA ARTIST CENTER

Ni Rommel Gonzales

Todo ang suporta ni Ralph de Leon sa block screening ng Red Crown kung saan isa sa mga bida ay ang ka-loveteam niyang si AZ Martinez; nabuo ang special bonding sa pagitan nila ng kapwa sila maging housemates sa Bahay Ni Kuya sa Pinoy Big Brother: Celebrity Collab.

“Yeah, kakapasok niya lang, this is his first time to watch it,” pagtukoy ni AZ kay Ralph nang makatsikahan namin sa lobby ng Cinema 16 ng Gateway 2 Mall bago nagsimula ang screening na sponsored ng Team AZ Official at ng Sparkle GMA Artist Center.

“Of course, masaya kasi nung nag-movie siya I was there to support him also. And it’s nice also na now na this is my first movie he’s also here, all support also.

“And then from the start pa lang nung nag-pictorial pa lang kami, nung pinitch pa lang ito he already knew about it.

“He was very supportive already.”

Ano na ba ang level ng closeness nila ni Ralph?

“Ano’ng level? May level pala? Ha! Ha! Ha!

“Ano’ng level ba puwedeng sabihin,” at muling tumawa si AZ.

“Ano ba yang mga levels na yan? Numbers?”

Gaano na sila ka-close?

“We’re very close.”

Si Ralph ba ang lalaking pinaka-close kay AZ ngayon?

“Right now, yes, oo.”

Gaano sila ka-committed sa bawat isa?

“Committed? Ha! Ha! Ha! Committed ako sa friendship namin.”

Isang beauty pageant candidate ang papel ni AZ sa Red Crown; kasama sa cast ng Red Crown sina Sanya Lopez, Faith Da Silva, Ashley Ortega, Herlene Budol at Shuvee Etrata at ang mga beauty queens na sina Ahtisa Manalo, Michelle Marquez Dee, Mary Jean Lastimosa, Gazini Ganados, at Ariella Arida at sina Ruffa Gutierrez at Michael Sager.

Collaboration ang pelikula ng GMA Pictures at dating Gobernador (ng Ilocos Sur) at mayor (ng Narvacan, Ilocos Sur) Luis ‘Chavit’ Singson, directed by Dominic Zapata at palabas ngayon sa mga sinehan.