Pedro Taduran depensahan ang titulo laban kay Brandon Moreno

DETERMINADO si Pedro Taduran na ipagtanggol ang nag-iisang titulo ng bansa sa mundo kapag nakaharap niya ang challenger na si Brandon Moreno sa kaniloxing Federation (IBF) minimumweight championship sa Linggo, Nob. 8 (oras sa Pilipinas).

Ang 30-taong-gulang na Pilipinong mandirigma ay gagawa ng kanyang ika-apat na depensa sa titulo ng kanyang IBF korona sa Kiva Auditorium sa Albuquerque, New Mexico sa Estados Unidos laban sa undefeated na Kastila, na kapwa motivated na kunin ang korona.

“Ang masasabi ko lang, itong titulo ay hindi ko ipapaagaw kasi ako na lang ang nag-iisang world champion sa Pi-lipinas. Ipaglalaban ko ito hanggang sa abot ng makakaya,” wika ni Taduran sa panahon ng pre-fight press conference noong Biyernes Nov. 6.

Pero si Moreno, na walang talo sa 16 na laban ngunit makikipaglaban sa labas ng Spain sa unang pagkakataon, ay umaasa na tanggalin kay Taduran ang world title at dalhin ito para sa kanyang sariling bansa.

Si Taduran, na may record na 20-4-1 at 14 na knockout, ay nananatiling nag-iisang Pilipinong kampeon sa mundo mula nang matalo ang kapwa minimumweight na si Melvin Jerusalem ang World Boxing Council (WBC) title kay Siyakholwa Kuse noong Mayo.

Mula noon, walang ibang Pilipinong bok-singero ang nakakuha ng titulong pandaigdig, kung saan maraming magagaling na prospect ang nabigo sa kanilang paghahangad ng titulo o hindi nakakuha ng pagkakataong sumabak sa titulo. Isa si Mark Vicelles sa mga nabigo, natalo kay Thanongsak Simsri sa kanilang laban para sa IBF light flyweight title.

Kahit pa si Carl Jammes Martin at Charly Suarez ang No.1 contender sa kani-kanilang divisions,hindi talaga silang nagkaroon ng pagkakataon para sa world title habang ang isa pang umuusbong na prospect na si Kenneth Llover ay natalo sa bantamweight title-eliminator laban kay Michael Angeletti noong Hunyo.

Bukod kay Taduran, mga nagsusumikap din para sa mga world title ngayong buwan sina Miel Fajardo at Zyvyr Medecillo, na parehong humahamon sa mga Japanese champions.