After 30 yrs. Pinatubo aktibo muli, nasa alert level 1

MAKALIPAS ang 30 taon matapos ang nangyaring major erruption, muling nagpakita ng abnormalidad ang Mt. Pinatubo ayon sa Philippine Institute of Volcanology and Seismology.
Pahayag ng Phivolcs, mula sa alert level 0, itinaas ang Mt. Pinatubo sa alert level 1.
Sa ngayon, wala pa umanong indikasyon na sasabog ito agad sa loob ng mga susunod na araw.
Gayunman patuloy itong oobserbahan para sa kaligtasan ng mga residente sa lugar.
Huling nagkaroon ng pagsabog ang Mt. Pinatubo noong Hunyo 15, 1991, kung saan umabot ang ashfall sa ibang mga bansa.