Buo ang suporta ng CBCP, Samahang Laiko ng Pilipinas at malalaking grupo sa Buhay Party List

NAKUHA ng Buhay Party List ang pag-endorso sa kanila ng Sangguniang Laiko ng Pilipinas na siyang pangunahing grupo ng CBCP (Catholic Bishops Conference of the Philippines) na kumakatawan sa mga lider at miyembre ng iba’t ibang organisasyon ng Katolikong simbahan sa buong bansa.

“Malaking puntos ito sa aming mga adhikaing maka-Diyos at maka-Buhay na matagal na naming ipinaglalaban sa Kongreso,” ani Xavy Padilla, na ikalawang nominado ng Buhay at PRO ng Sangguniang Laiko.

Kamakailan ay nakipagtulungan ito sa mga pangunahing institusyong Katoliko at nakakuha ang tango ng iba’t ibang Obispo at pari dahil sa kanilang pare-parehong pakikipaglaban para sa mga panukalang-batas para sa kahalagahan ng buhay.

Sumuporta sa Buhay ang mga kilalang organisasyong layko Katoliko tulad ng Missionary Families of Christ (MFC), Live Christ Share Christ (LCSC), Friends of Divine Mercy, at Dios Gugma. Nagbigay din ng pag-endorso sa Buhay ang Grand Harvest Ministries, Philippine Association of Retired Educators, at pati si dating presidente at Deputy Speaker Gloria Macapagal Arroyo.

Sinabi ni Arsobispo Jose Cabantan at ng mga Pari ng archdiocese ng Cagayan de Oro sa mga representatnte ng Buhay na dumalaw sa kanya kamakailan na suportado nila ang naturang Party List dahil sa solidong posisyon nito laban sa mga aborsiyon, diborsyo, at iba p. Ang iba pang mga Arsobispo at Obispo na nagpahayag ng kanilang suporta sa Buhay Party List at sa pro-life stand nito ay kinabibilangan nina: Arsobispo Gilbert Garcera ng Lipa, Arsobispo Soc Villegas ng Lingayen Dagupan, Bishop Emeritus Ted Bacani ng Novaliches, Arsobispo Joe Cabantan ng Cagayan de Oro, Bishop Jesse Mercado ng Parañaque, Bishop Broderick Pabillo ng Taytay, Palawan, Archbishop Jose Lazo ng Jaro, Bishop Buenaventura Famdico ng San Pablo, at Archbishop Emeritus Angel Lagdameo ng Jaro, Iloilo.

Samantala, sinabi ng pangulo ng Sangguniang Laiko ng Pilipinas na si Jun Cruz sa kanilang Laiko Lenten Recollection kamakailan na bahagi sila ng mga haliging sumusuporta sa Buhay Party List dahil sa kanilang karaniwang pro-life at pro-God na mga kampanya. Maraming indibidwal na miyembro at pinuno ng Sangguniang Laiko ng Pilpinas ang nagbigay ng kanilang naunang pag-endorso sa Buhay, kasama ang Laiko Taytay at Laiko Tarlac.

Si Bro. Jun Cruz, Presidente ng Sangguniang Laiko ng Pilipinas, ay nagsabing, “Piliin natin nang matalino ang ating party-list na tunay na magsusulong sa pagsulong ng buhay ng ating mga kababayan, lalo na ang mga manggagawa, mga taong may kapansanan, at mga mahihirap.”

Isa sa pinakamatagal na nagsisilbing party-list ng Pilipinas – ang Buhay (o Buhay Hayaang Yumabong) – ang nangunguna sa pagtutulak ng pro-life na batas. Ang pagiging maka-pamilya at sumusuporta sa mga taong may kapansanan ang pangunahing pokus nito. Maraming organisasyon, partikular na ang mga nasa sektor na kanilang kinakatawan, gayundin ang mga organisasyong Katoliko at Kristiyano, ang nagbigay ng suporta sa kanilang mga adbokasiya at programa.

“Pangako namin na ipagpapatuloy ang laban para sa maka-buhay at maka-Diyos na mga panukalang batas sa kongreso, na inspirasyon ng aming tagapagtatag, si Deputy Speaker Lito Atienza, na naging inspirasyon sa amin at sa marami sa aming mga tagasuporta. Ang suporta ng prestihiyosong Katoliko at mga organisasyon at indibidwal na pro-life ay mahalaga para sa Buhay Party List dahil hangad nitong ihanay ang patuloy na paglaban sa mga panukalang batas laban sa buhay sa Kongreso,” sabi ni Von Valdepeñas, ang unang nominado ng Buhay Party List.

Bukod sa mga organisasyong Katoliko sa Buhay Party List, nagpahayag din ng suporta ang aktres na si Diane Medina kasama sina: Wendy Valdez Melissa Gohing, Jeffrey Santos, Tuesday Vargas, Miriam Quiambao, Peter June Simon, Janice De Belen, Arny Ross, Maxine Medina, DJ Jhai Ho, Jef Gaitan, Mich Liggayu, Jan Marini, Nicole Donesa, at Ina De Belen.

Dahil na din sa kabi-kabilang suporta at pag-endorso ng maramig malalaking organisasyon at mga lokal na lider, umangat na sa ika-labinlimang puwesto sa mga party-list ang Buhay sa pinakabagong survey ng Octa Research. Inaasahan ng Buhay na mapapasama sila sa top 10 ng mga pangunahing party-list pagdating ng araw ng halalan.