ROSALES WAGING MISS SUPERMODEL WORLDWIDE

KINORONAHAN ang Pinay na si Alexandra Mae Rosales bilang Miss Supermodel Worldwide sa Leela Palace Hotel sa Jaipur, India nitong Linggo (Oct. 16).

Nanaig si Rosales sa 16 iba pang aspirants mula sa iba’t ibang bahagi ng mundo at naging unang Pinay na nanalo ng titulo.

First runner-up ang pambato ng Netherlands na si Kaylee Roxanne Porteges Zwart, habang second runner-up si Nova Retalista ng Indonesia.

Third runner-up ang beauty ng France na si Sonia Alt Mansour, at 4th si Alina Cheveleva ng Kazakhstan.

Pinarangalan din sa competition ang continental winners – Rahel Zemen Gebremedhin mula Ethiopia para sa Africa, Kelly Baez ng Ecuadorpara sa Americas, Wangpor Jitrana Kengkanna ng Thailand para sa Asia, at Kelly Kangur ng Estonia para sa Europe.

Si Rosales ay isang pageant veteran na pumangalawa sa Miss Southeast Asia Ambassadress contest sa Kulala Lumpur, Malaysia noong 2015. Sumali rin siya sa 2021 Binibining Pilipinas pageant.

Ang 26-year-old model mula Laguna ay nagtapos ng Tourism sa Malayan Colleges, at nagpatuloy ng kanyang pag-aaral sa De La Salle-College of Saint Benilde.