Titser kulong sa droga sa La Union

ARESTADO ang isang titser sa drug buy-bust operation sa Barangay San Nicolas East, Agoo, La Union, noong Miyerkules, June 2.

Kinilala ang guro na si Reginald Laroco, 40 anyos, public school teacher at residente ng Bgy. San Juan, Agoo.

Nakuha mula kay Laroco ang 0.5 grams ng shabu na nagkakahalaga ng tinatayang P3,400.00; P1,000 buy-bust money, 1 unit ng cellphone at drug paraphernalias.

Nakakulong si Laroco sa Agoo Police Station at nakatakdang sampahan ng paglabag sa Sec. 5 at 12 sa Art. II ng RA 9165.