Abu Sayyaf sub-leader nasakote

NASAKOTE ng Criminal Investigation and Detection Group (CIDG) ang sub-leader ng Abu Sayyaf Group (ASG) sa ikinasang manhunt operation sa Zamboanga City.

Kinilala ito ni CIDG Director, Brigadier General Romeo Caramat Jr., na si Isnirul Kirih alyas Isnirul Kirin, Sakirin Isnain Kiram, Sakirin I Kiram, at Sakirin Ll Kiram, 51 anyos, ng Sinunuc, Zamboanga City.

Si Isnirul Kirih ay tinaguriang Top 2 Regional Level Most Wanted Person sa PROBAR.

Siya rin ang itinuturing na sub-leader ng ASG sa ilalim ng pamumuno ni ASG Senior Leader Isnilon Hapilon.

Ayon pa kay Gen. Caramat, sangkot rin ito sa serye ng pakikipagsagupaan sa tropa ng militar mula 2001 hanggang 2003.

Mayroon din itong existing warrant of arrest dahil sa mga kasong Multiple Murder with Frustrated Murder, 7 counts Murder at 25 counts Frustrated Murder.