Food vlogger, arestado sa higit P40k marijuana

Arestado ang isang food vlogger at kasama nito nang mahulihan ng marijuana na nagkakahalaga ng P44,400 sa Barangay, Holy Spirit, Quezon City.

Kinilala ang mga suspek na sina Gian Kalvert Paz at ang kapwa niya food vlogger na si Cassius Labatete.

Sa report, nasabat sa kanila ang 370 gramo ng marijuana.

Ayon sa pulisya, malaki na ang kanilang operasyon sa barangay at mga karatig-barangay, kaya itinuturo na rin sila ng mga nauna nang nahuli.

Paliwanag naman ng vlogger na si Labatete, pampatulog lang ito dahil stress at puyat aniya sila sa pag-e-edit at kailangan nila ng pampakalma.

Mahaharap ang dalawa sa reklamong paglabag sa Comprehensive Dangerous Drugs Act.