Bantag, ‘di naging bahagi ng PNP
Advertisers
NILINAW ng Philippine National Police na hindi naging miyembro ng pulisya si dating Bureau of Corrections chief Gerald Bantag, taliwas sa ilang lumabas na ulat.
Sa inilabas na statement ng PNP Public Information Office, iginiit nila na si Bantag ay opisyal ng Bureau of Jail Management and Penology (BJMP) bago naitalaga sa BuCor.
“The Philippine National Police would like to clarify that Mr. Gerald Bantag has never been a member of the Philippine National Police, based on record, he used to be a Bureau of Jail Management and Penology (BJMP) officer before his appointment in Bureau of Corrections (BUCOR) and this is to set right some news articles that came out recently,” wika ng PNP sa kanilang statement.
Simula, anila, nang lumabas ang arrest warrants laban kina Bantag at Ricardo Zulueta, puspusan na anila ang ginagawang paghahanap ng CIDG, sa pakikipagtulungan sa National Bureau of Investigation at iba pang otoridad.
Naglabas ng P3 million na pabuya ang Department of Justice sa makapagbibigay ng impormasyon para madakip sina Bantag at Zulueta kaugnay ng pagpatay sa broadcaster na si Percy Lapid at Bilibid inmate na umano’y middleman na si Jun Villamor.