EX-PRES. DUTERTE ISINUGOD SA OSPITAL SA DAVAO

ISINUGOD si dating Presidente Rodrigo Duterte sa pagamutan nang madulas ito sa sahig sa kuwarto ng kanilang bahay sa Davao City, pero nasa mabuti na itong kalagayan, sabi ni Senador Christopher “Bong” Go Sabado ng gabi.

“It was an accident. He slipped in a room of his house. So Sen. Bong Go accompanied him [to the hospital] for a checkup,” sabi ng tanggapan ni Go sa Facebook post.

“According to Sen. Bong Go, he was thankful to God that there were no complications and that Tatay Digong [Father Digong, as his supporters call him] was in good condition after having an x-ray.”

Noong 2021, may mga espekulasyon na bumabagsak ang kalusugan ni Duterte dahil bihira nalang ito magpakita sa publiko, pero ang kanyang tagapagsalita noon, si Harry Roque, ay sinabing ang punong ehekutibo ay malusog.

Nang pumunta si Duterte sa China para makipagkita sa Presidente ng China ilang buwan na ang nakalipas ay nakatungkod ito.