Suspension order vs LTFRB chief binawi ni PBBM

TULUYAN nang binawi ng Office of the President (OP) ang suspension order na ipinataw laban kay Land Transportation Franchising and Regulatory Board (LTFRB) Chairperson Teofilo Guadiz III.

Ayon kay Executive Secretary Lucas Bersamin, ginawa ang hakbang kasunod narin ng pag-atras ng kaisa-isang testigo sa kaso na si Jefferson Gallos Tumbado.

Matatandaang binawi ni Tumbado ang kanyang mga pahayag at alegasyon laban kay Guadiz sa pamamagitan ng paglagda sa isang Affidavit of Recantation.

Sinabi ni Bersamin na wala nang dahilan upang isailalim sa preventive suspension si Guadiz maliban na lang kung may mas bago o bagong pangyayari na magpapalakas sa mga akusasyon laban sa kanya na isinumite sa tanggapan ng Pangulo. (Gilbert Perdez)