Elijah inaming hiwalay na kay Miles; Anjo kinumpirma, ‘di sila nag-uusap ng utol na si Jomari

“But right now, we’re just taking our time figuring out ourselves and our lives right now.”

Ayon pa sa aktor, nitong mga nakaraang buwan ay may mga pinagdaanan sila ni Miles sa kani-kanilang buhay at nais muna nila itong maayos.

“Well, yeah, we went through a rough patch recently, mainly because we’re going through our own personal stuff and it’s been hard. So, we’re figuring things out.”

Naghiwalay man sina Miles at Elijah, hindi naman sila galit sa isa’t isa.

“Yeah, we’re okay. We’re not mad at each other or anything like that.”

***

SA guesting ni Anjo Yllana sa YouTube channel ni Aiko Melendez, sinabi ng una sa huli, na hindi sila nag-uusap ngayon ng nakababatang kapatid na si Jomari Yllana. Kaya naman nasabi ito ni Anjo, dahil nauna nang nagsalita si Aiko, na hindi sila nag-uusap ni Jomari, na dati niyang asawa.

Sabi ni Anjo kay Aiko, “Hindi kayo nag-uusap? Huwag kang mag-alala, hindi rin kami nag-uusap. Kayo hindi kayo nag-uusap, kami hindi kami nag-uusap.”

Pero ayaw ng banggitin ni Anjo ang dahilan kung bakit hindi rin sila  nag-uusap ni Jomari.

“Pero ayoko nang pag-usapan kung bakit di kami nag-uusap. I just don’t wanna lie na merong hindi tama.

“May problema kaming magkapatid, but that’s between us. As much as possible, ayoko na lang pag-usapan.”

Tila nais tumbukin ni Anjo na hindi niya kukunsintihin kung may nakikita siyang maling ginagawa ni Jom.

Sabi niya, “Basta katulad niyan, kinasal sila, di ba, so I’m happy for them. Ikinasal sila even though we did not talk.”

Ang tinutukoy ni Anjo ay ang pagpapakasal ni Jomari kay Abby Viduya sa Las Vegas, Nevada, nito lamang November 5, 2023.

Pagpapatuloy ni Anjo, “Kasi ang bilin ko sa kanya [Jomari] noon, I was so hurt nung nakipaghiwalay siya sa yo (Aiko)

“Kasi sabi ko nga, once you’re a member of our family, I consider you as a family. You will be forever part of me as a family member…

“So, nung nag-break kayo, nasaktan ako,” sabi pa ni Anjo kay Aiko.

“I advised him. Sabi ko, ‘Next time, ha…’ ako minsan lang ako magsalita… bilang the kuya and wala na kasi yung daddy ko nun…

“Sabi ko sa kanya, being the eldest, ‘Ang pakiusap ko lang sa yo, pag nakaroon ka ng girlfriend ulit, bigyan mo ng five years bago ka mag-asawa ulit. Kasi ayokong maggi-girlfriend ka, mag-aasawa ka, tapos maghihiwalay ulit.’”

Sumegunda si Aiko na tinupad naman daw ni Jomari ang hiling ni Anjo.

Noong lamang October, ipinagdiwang nina Jomari at Abby ang kanilang fourth anniversary bilang reunited couple.

“Ayoko ngang maulit yung nangyari sa inyo. Gusto ko pag nagkaroon siya ng asawa, panghabambuhay na.

“So, hopefully, panghabambuhay yon,” ani Anjo ukol sa pagpapakasal ni Jomari kay Abby, na childhood sweetheart niya.