Tone-toneladang kamatis ‘di maibenta sa Nueva Vizcaya, itinatapon nalang

ITINAPON nalang ang tone-toneladang kamatis na sobra nang nahinog at hindi maibenta sa Nueva Vizcaya.

Sa video ng netizen na si John Solis, makikitang itinatapon mula sa truck ang mga kamatis na nabulok.

Kinumpirma ito ni Gilbert Cumila, General Manager ng Nueva Vizcaya Agricultural Terminal, na galing sa Mt. Pulag ang mga itinapon na kamatis.

“Vinalidate po namin and naitapon noong umaga ng December 5. Bale ito po ay na-accumulate na dumating mula noong Nov. 30 hanggang Dec 4, so halos 3-4 na gabi na di nabenta kaya 80 percent ay damaged po,” ani Cumila.

Dagdag niya, nasa 80 lang mula sa nasa halos 300 hanggang 400 crates ang nabenta. Sira na aniya ang mga kamatis nang itapon ito.