11 PINOY SEAFARERS NA INATAKE NG HOUTHI GROUP, NAKABALIK NA SA BANSA

LABING-ISANG pinoy seafarers na binihag ng mga rebeldeng Houthi halos isang linggo matapos silang makaligtas sa missile attack sa Yemen ang dumating noong Martes ( March 12 ) sa Ninoy Aquino International Airport (NAIA) lulan ng Ethiopian Airlines galing Addis Ababa, Africa.

Ang mga pinoy ay sinalubong ni Department of Migrant Worker (DMW) Officer-in-Charge Hans Leo J. Cacdac, Department of Foreign Affairs (DFA) at iba pang opisyal ng gobyerno pagdating sa airport.

Sila ay mga tripulante ng Barbados-flagged, Greek-operated merchant ship True Confidence na inatake ng mga Houthis noong nakaraang linggo, na ikinamatay ng tatlong marino, kabilang ang dalawang Pilipino. Sinabi ng migrant workers’ ministry sa isang pahayag na nakatanggap ng tulong ng gobyerno ang 11 survivor sa pagdating sa Maynila.

Sinabi ni Mark Anthony Dagohoy, crew member ng True Confidence, na mahirap alalahanin ang kanilang mga pinagdaanan, ngunit nagpapasalamat siya sa mga tauhan ng militar na nagligtas sa kanila.

“Gusto lang namin makasama ang pamilya namin,” Dagohoy told a press conference.

Sinabi ng mga opisyal na ang dalawa pang Pinoy na nagtamo ng malalaking pinsala ay nagpapagaling sa isang ospital sa Djibouti. Kapag na-clear na sila sa medikal, ilipad sila pabalik ng Maynila.

Ang Houthis ay umaatake sa mga barko sa Red Sea mula noong Nobyembre sa sinasabi nilang isang kampanya sa pakikiisa sa mga Palestinian sa patuloy na digmaan sa Gaza.

Ang mga pag-atake ay nakagambala sa pandaigdigang pagpapadala, na nagpapataas ng mga gastos habang ang mga kumpanya ay napipilitang muling mag-ruta sa mas mahaba at mas mahal na mga paglalakbay sa paligid ng South Africa. (JOJO SADIWA)