BVR on Tour ilulunsad sa Sipalay
Advertisers
BUBUKSAN ng Beach Volleyball Republic on Tour ang kanilang 2024 season sa Hunyo 22-23 sa Sipalay City sa Poblacion Beach.
Ito ang ikalawang magkasunod na taon na Sipalay City ang host ng BVR on Tour leg. Nakaraang taon, Honey Grace Cordero ang lumitaw na champion kasama ang sand court veteran Roma Joy Doromal.
Cordero, na maglalaro sa National University simula sa UAAP Season 87, ay makapareha si Kat Epa ngayon taon. Makakalaban nila ang pambato ng Far Eastern University Melody Pons at Sheena Cafe.
Iba pang kalahok sa women’s division ay ang University of Santo Tomas’ Sofiah Pagara at Khy Progella, Strong Group Athletics’ Gen at Euri Eslapor, Pontevedra’s Perper Cosas at Erjane Magdato, at dalawang teams mula sa Sipalay, ang paris nina Kimberly Babe Deuyan at Trisha Gene Geneblaza, at Japttia Rose Arquiro at Princess Kyle Judilla.
Aussies Luca Rocker-Graham at Killian Donovan pamumunuan ang men’s side, kabilang sina Alas Pilipinas’ Ranran Abdilla at AJ Pareja.
UST’s Aldwin Gupiteo at Dom Gabito, FEU’s Kyle Retiza at Mikko Espartero, DLSU’s Andre Espejo at Chris Hernandez, Air Force’s Pol Salvador at Edwin Tolentino, Cebu’s Samlet Booc at Michael Marabe, at 2 Sipalay pairs, Ivan Sanao at John Lloyd Guntan, at Johnrel Talita at John Joseph Mirasol ay kasali rin.