JM napasagot na si Donnalyn matapos ang isang taon na pagligaw; Gladys 3 ang nominasyon sa Star Awards for Movies

Ni Rommel Placente

TATLONG nominasyon ang nakuha ni Gladys Reyes sa 40TH PMPC Star Awards For Movies, na gaganapin sa July 21 sa Henry Lee Irwin Theater sa Ateneo de Manila.

Nominado siya for Movie Actress of the Year para sa pelikulang Apag, na pinagbidahan nila ni Coco Martin. Nominado rin siya for Movie Supporting Actress of the Year para sa pelikulang Here Comes The Groom. At ang isa pang nominasyon niya ay sa kategoryang Darling of the Press, na ang mga kalaban niya ay sina Alden Richards, Gretchen Barretto, Liza Diño-Seguerra,vPiolo Pascual, Ramon “Bong” Revilla, Jr., Rei Anicoche-Tan at Robin Padilla.

In fairness, isa si Gladys sa mga artistang may pagmamahal at pagpapahalaga sa press, hindi lang sa members ng PMPC, kaya na-nominate siya para sa Darling of The Press category.

Sa 1st Summer Film Festival 2023, si Gladys ang tinanghal na Best Actress dahil sa hindi matatawarang akting na ipinamalas niya sa Apag, na naging dahilan para mapansin din siya ng Star Awards For Movies at na-nominate nga siya bilang Movie Actress of the Year.

Si Gladys din kaya ang tanghaling Movie Actress of the Year sa 40th Star Awards For Movies? ‘Yan ang ating aabangan.

Sa Movie Supporting Actress category, na napakahusay ni Gladys sa Here Comes The Groom, siya kaya ang paboran ng voting members ng PMPC? Maiuwi kaya niya ang Movie Supporting Actress of the Year trophy? ‘Yan din ang ating aabangan. Pero in fairness, napakahusay niya sa Here Comes The Groom, huh!

***

PAGKATAPOS ng mahigit isang taong panliligaw, finally, nakuha na ni JM De Guzman ang matamis na oo ni Donnalyn Bartolome.

Sa isang Facebook post, inamin ni Donnalyn na akala niya ay magiging magkaibigan lang sila ni JM.

“It was a year and five months later from when he first tried to woo me. It was all after asking him to explore other hearts— to just find another heart who’s not mine, but he proved to me that he’s found the heart that made him blind to all other hearts…a blessing it was, that it belonged to me,” caption sa post, kalakip ang ilang pictures nila na naka-costume.

Ibinunyag din ni Donnalyn na last year pa niya ipinakilala si JM sa kanyang mga magulang na nasa Japan.

“So we flew to the land of the rising sun to ask for my parents’ acceptance… that’s why it took so long for us to share..that on June 22nd 2023,” pag-amin ng vlogger.

“His determination caused him to persist…until one day I just could no longer resist.”

Sabi pa niya, si JM ang dahilan kaya naniniwala na siya na may “forever.”

“He awakened the love I didn’t know I still had to give to someone again ever, and even though I no longer believe in forever…I believe in Now.

“Spell it backwards and that’s what he has done, the match to capture my heart, I declare out loud: Juan Miguel won.”