Suspension sa judge sa ‘P6m suhol’ pinalawig ng Korte Suprema

PINALAWIG ng Korte Suprema ang ‘preventive suspension’ nina Judge Albert T. Cansino at empleyadong si Mariejoy P. Lagman ng Pasay City Regional Trial Court Branch 108 habang patuloy ang imbestigasyon sa kanilang pagkakasangkot sa isyu ng panunuhol.

Tinanggap ng Korte Suprema ang rekomendasyon ng Judicial Integrity Board na unang nagsagawa ng pagsisiyasat sa isyu.

Inilagay sa preventive suspension ang huwes Mayo 28, 2024 matapos paghinalaang tumanggap ng P6,000,000 mula sa isang litigant kapalit ng paborableng desisyon sa isang kasong administratibo.

Layunin ng suspensyon na maiwasang maimpluwesyahan ni Cansino ang anumang proseso ng imbestigasyon, maging ang mga taong bahagi ng naturang usapin.