DOF: Tax collection ng gobyerno umabot sa P3.55-T ngayong 2024

NASA kabuuang P3.55 trillion ang nakolektang buwis ng gobyerno ngayong taon ayon sa Department of Finance (DOF).

Pahayag ng DOF, ito ang naitalang total tax collections hanggang noong buwan ng Nobyembre, at mas mataas ito ng 15% mula sa kaparehong panahon noong 2023.

Ayon sa DOF, nakalikom ang Bureau of Internal Revenue (BIR) ng P2.67 trillion pesos na tumaas ng 13.9%.

Nasa P850 billion naman ang koleksyon ng Bureau of Customs (BOC) na mas mataas ng 4.7%.

Kaugnay dito, inaasahang aabot sa P3.82 trillion pesos ang kabuuang koleksyon ng buwis ngayong taon, mas mataas ng 11.4% noong 2023.

Ito ay magiging katumbas ng 14.4% ng gross domestic product.