Cabalquinto lalaban sa Australia sa Hunyo 13

MULING lalaban ang dating World Boxing Council Asian lightweight champion Adones Cabalquinto ng Davao City sa Australia sa Hunyo 13 sa Q Room Thomastown.

Ang 36-year-old southpaw [26-5-0, 16KOs] ay lalabanan si Qamil “Golden Boy” Balla [15-2-1, 8KOs] ng Altona North, Victoria.

Kamakailan ay lumaban si Cabalquinto pero nabigo kay Victor Nagbe ng Australia para sa WBC Asian super welterweight championship nakaraang Abril 11, 2025 sa Melbourne Pavillon sa Flemington, Australia.

Huling nanalo si Cabalquinto laban kay Jose Ocampo ng Sarangani by unanimous decision nakaraang Agosto 26,2024 sa Almendras Gym sa Davao.

Samantala, Balla, 35, ay nabigo kay Jin Sasaki ng Japan sa 7th round technical knockout para sa Orient and Pacific Boxing Federation at WBO Asian Pacific welterweight titles sa Ariake Arena sa Koto-Ku.