EFREN ‘BATA” REYES, HINDI HABOL ANG CAMERA

HUMAHAKOT ng followers ang inspiring remarks ni Billiards King EFREN “ Bata” REYES aka ‘ The Magician. Marami mang maituturing na Greatest of All Time sa ating Pinoy Athletes ng kanya-kanya itng linya, ‘ di maikakailang deserving siya sa pagkilala, local o international sa taguring ‘The GOAT”, huwarang Atletang Pinoy, puno ng kababaang-loob sa tagumpay at kasikatan.

Aniya, “ Mag-70 na ako sa susunod na Maro. Hindi ako kailanman naghabol sa mga camera. Hindi nangailangan ng mga bodyguard. Hindi ko ito tinuring kundi Isang laro lamang. Hindi ako maingay sa kwarto, di nagsusuot ng gintong kwintas o humihingi ng alalay. Hinayaan kong mga tako ang magsalita, na pinakinggan ng mga tao”.

Lumaki sa Angeles, Pampanga, naglaro sa mga lumang bilyaran sa mga gusaling maalikabok, sira-sirang bola at mga usok ng sigarilyo, walang sponsor. Dala.ang talino, nag-aim siya, gamit ang mata kasama ang kalamnan ng tiyan. Noong Bata pa, nakakatulog sa ilalim.ng billiard table, di nangarap ng mga tropeo kundi ng pagkain, walang pangakong suporta o maging dakila, basta patuloy lang siya.

Naging “ The Magician” at age 30 dahil sa mga tirang di inaasahan. Di iyon mahika. para sa kanya..kundi mga posibilidad na di pa nakikita ng iba. At age 40, international na ang laban, tinalo niya ang mga Kano, Briton at iba-iba pa, simpleng ngiti at pakikipagkamay ang kasiyahan at umuwi sa bahay para kumain kasalo ang pamilya.

Sa edad 50, madalas matalo, bumagal ang reflexes, pagod ang mga mata, pero walang kupas ang pagmamahal at talas sa larong bilyar, Pumupunta sa bar tournament, maraming di nakaaalam, alamat na ‘The Magician’ ng Pinas at mundo ang kalaro. At 60 y/o naglaro siya di para manalo kundi para magturo, hangad lang na maalala ng next generation.