Lalaki, timbog sa baril sa Malabon

Arestado ang 38-anyos na lalaki sa iligal na pagdadala ng baril sa Malabon City.

Nasakote ang suspek ng Malabon City Police na pinamumunuan ni PCol Allan Umipig, sa paglabag sa Republic Act 10591 o Comprehensive Law on Firearms and Ammunition, sa isinagawang Simultaneous Anti-Criminality Law Enforcement Operation (SACLEO) noong October 18, 2025, sa Anonas Road, Barangay Potrero, Malabon City.

Nakuha sa suspek ang baril na Caliber .38 na kargado ng (3) live ammunition at bigong magpakita ng ligal na dokumento o papeles.

Nahaharap sa kasong paglabag sa RA 10591 ang arestadong suspek na nasa kustodiya ngayon ng pulisya sa Malabon detenton.(Beth Samson)